ពីមុនគ្មានអ្នកជឿទេ តែឥឡូវ ដួង ម៉ានិច ថតរូបដាក់មុខរោងការជាមួយ បុត្រ យ៉ាងភ្ញាក់ផ្អើលហើយ!

2021-08-25 01:20:39
ជីវិតតារា

2021-08-25 01:20:39
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្តែងស្រី ដួង ម៉ានិច ដែលប្រិយមិត្ត ធ្លាប់តែឃើញនាង មានទំនាក់ទំនងស្អិតរមួតជាមួយបុរសវ័យក្មេង គឺ ថៃ អតិជាតិ បុត្រ ដែលគ្រប់គ្នា សង្ស័យថា អ្នកទាំងពីរ ស្រលាញ់គ្នា ស្វីតដាក់គ្នារហូតមក ឥឡូវនេះស្រាប់តែមកថតរូបដាក់មុខរោងការយ៉ាងស្ងៀមស្ងាត់ រហូតធ្វើឲ្យមហាជនភ្ញាក់ផ្អើលយ់ាងខ្លាំង ។

នៅមុននេះបន្តិច ខាងសម្អាងការមួយ បានបង្ហោះវីដេអូ ដួងម៉ានិច ស្លៀកសំលៀកបំពាក់ភ្ជាប់ពាក្យដោយថតរូបដាក់មុខរោងការជាមួយ ថៃ អតិជាតិបុត្រ យ៉ាងស្រស់ស្អាត និងសមគ្នាមែនទែន រហូតធ្វើឲ្យហ្វេនៗភ្ញាក់ផ្អើលនិងរំភើបយ៉ាងខ្លាំង នៅពេលដែលអ្នកទាំងពីអាចយល់ចិត្តគ្នារហូតដល់ថ្ងៃនេះ ។

រូបភាពនេះ ប្រិយមិត្តខ្លះបានគិតថា ពួកគេគ្រាន់តែថតរួមគ្នាផ្សព្វផ្សាយឲ្យសម្អាងការណាមួយប៉ុណ្ណោះ។ ប៉ុន្តែតាមគណនីឈ្មោះ Sokha Artist បានឲ្យដឹងថា តាមពិតពួកគេមិនមែនថតផ្សព្វផ្សាយឲ្យសម្អាងការណាមួយទេ គឺពួកគេថតរូបភាពសម្រាប់ដាក់មុខរោងជ័យរបស់ពួកគេនៅពេលខាងមុខមែន។

តាមប្រភពដដែលនេះ បាននិយាយក្នុង Live ថា ដួង ម៉ានិច និងបុរសក្មេងឈ្មោះ ថៃ អជាតិបុត្រ បានភ្ជាប់ពាក្យជាមួយគ្នារួចហើយ ហើយនៅថ្ងៃនេះ ពួកគេមកថតរូបទុកតាំងមុខរោង។ "ពួកគេភ្ជាប់ពាក្យរួចហើយ ហើយការនៅឆ្នាំ ២០២២ នៅថ្ងៃទី ១២..."។

ព័ត៌មាននេះ បានធ្វើឲ្យមានភ្ញាក់ផ្អើល ពីក្រុមអ្នកគាំទ្ររបស់អ្នកទាំងពីរពិសេសអ្នកគាំទ្រ ម៉ានិច្ច។ យ៉ាងជុំវិញបញ្ហានេះ សាមីខ្លួនទាំងពីរ មិនទាន់អាចភ្ជាប់ទំនាក់ទំនងដើម្បីស្វែងរកព័ត៌មានដើម្បីផ្ទៀងផ្ទាត់បាននៅឡើយ។