តារាសម្ដែងស្រីសម្រស់ និងកម្ពស់បាន មុន្នី មូនីតា ក្នុងឈុតសម្អាងការមួយដ៏ប្រណីតត្រូវបានសាមីខ្លួនបញ្ចេញលើបណ្ដាញសង្គម ហើយមានអ្នកគាំទ្រជាច្រើនបានលាន់មាត់កោតសរសើរឈុតនេះ។ មូនីតា ក៏បានរំលឹករឿងរ៉ាវប្រវត្ដិសាស្ដ្រខ្លីលើគណនីហ្វេសប៊ុកផ្ទាល់ខ្លួន ស្ដីពីឈុតដែលកំពុងគ្រងនេះដែរ។

កញ្ញា មូនីតា និយាយតាមបណ្ដាញសង្គមថា “នាងនាគ” រឺ”ព្រះនាងធារាវត្តី” ជាព្រះមហេសីរបស់ព្រះថោង ពីឆ្នាំ ២៦៧ មុន គ.ស. បើតាមរាជពង្សាវតារខ្មែរ។ ព្រះនាងគឺជាបុត្រីស្ដេចភុជង្គនាគ ដែលកាលណោះពើបប្រទះជាមួយព្រះថោងនៅលើកោះគោកធ្លក។ ព្រះនាមពេញសំរាប់រាជ្យ សម្ដេចព្រះវគវត្ដី ក្សត្រីគាប់លក្ខណ៍ ឯកអគ្គទេវី៕