ស្រីស្អាត យ៉ែម ស្រីពេជ្រ បង្ហើបរឿងចំណូលពីប៉ុស្ដ៍លេខ៥

2016-12-18 19:25:24
ជីវិតតារា

2016-12-18 19:25:24
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងតិច កញ្ញា យ៉ែម ស្រីពេជ្រ អាចរកចំណូលពីប៉ុស្ដិ៍លេខ៥បានពី៤០០ទៅ៥០០ដុល្លារ ដោយមិនរាប់បញ្ចូលការថតខ្សែភាពយន្ត និង ការធ្វើMC ក្នុងស្ថានីយទូរទស្សន៍មួយនេះទេ។

ស្រីពេជ្រថា រាល់ថ្ងៃនាងជាប់កុងត្រាជាបុគ្គលិកឲ្យប៉ុស្ដិ៍លេខ៥ចំនួន៣ឆ្នាំ ដោយក្នុងនោះនាងមិនអាចទៅថតភាពយន្តភាគឲ្យទូរទស្សន៍ផ្សេងផ្សេងឡើយ ប៉ុន្តែអាចថតភាពយន្តខាតធំ និងធ្វើ MC ឲ្យកម្មវិធីផ្សេងៗបាន។

តារាស្រីរូបនេះបានឲ្យដឹងថា ក្រៅពីប្រាក់ប្រចាំខែដូចបុគ្គលិកទូទៅ នាងមានប្រាក់ធ្វើ MC និង ថតរឿងភាគទៀត។

ធ្វើជាពិធីការិនី គិតតាមកម្មវិធីនីមួយៗដាច់ពីគ្នា បច្ចុប្បន្ននៅប៉ុស្ដិ៍លេខ៥ នាងកាន់កម្មវិធី២។ ចំពោះថតរឿងភាគវិញ នាងទទួលបាន១រឿង២៨០០ ដុល្លារ។

ចាប់ទាំងពីថតឲ្យប៉ុស្ដិ៍លេខ៥មក យ៉ែម ស្រីពេជ្រ បានថត២រឿងមកហើយ គឺរឿង"" ភ្លើងស្នេហ៍ភ្លើងឫស្យា" និងរឿង" កូនក្រមុំលោកមេឃុំ" ។ ឆាប់ៗខាងមុខនេះ នាងបង្ហើបប្រាប់ថា គ្រោងថតខ្សែភាពយន្តនេះ១រឿងទៀត ប៉ុន្តែមិនទាន់ដឹងថា រឿងនោះមានចំណងជើងអ្វីឡើយ ៕