កូនប្រុសពៅយាយ យ៉យ ចង់ជួបម្ដាយរាល់ថ្ងៃតែមិនអាចព្រោះហេតុផល១

2017-04-18 20:37:28
ជីវិតតារា

2017-04-18 20:37:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែជាប់រវល់ជាមួយការងារសិល្បៈរកពេលទំនេរគ្មាន ធ្វើឲ្យនាយ ព្រែក និងអ្នកកំប្លែងជើងចាស់អ្នកស្រី នួន សារី ហៅយាយ យ៉យ ដែលត្រូវជាម្ដាយគ្មានពេលវេលាគ្រប់គ្រាន់ជួបគ្នាដូចពេលមុន។

តារាសម្ដែង ខេង រតនៈ ហៅនាយ ព្រែក បានប្រាប់ Sabay ថា ព្រោះហេតុផលសិល្បៈ ទោះបីជានាយ និងអ្នកម្ដាយរស់នៅរាជធានីភ្នំពេញជាមួយគ្នាក្ដី តែពេលវេលាបានជួបគ្នាមានតិចតួចបំផុត ព្រោះអ្នកម្ដាយត្រូវចេញទៅកាត់សក់តាមរោងការ លេងកំប្លែង និងច្រៀងអាយ៉ៃឆ្លងឆ្លើយនៅតាមខេត្ត ពេលខ្លះក្នុងមួយខែ នាយ បានជួបអ្នកម្ដាយជាទីស្រឡាញ់១ដងទៅ ២ ដងតែប៉ុណ្ណោះ។

កូនប្រុសពៅ យាយ យ៉យ រូបនេះនិយាយថា៖ "ខ្ញុំជាកូនពៅអញ្ចឹងនឹកគាត់ខ្លាំងណាស់ ឲ្យតែទំនេរដឹងតែទៅលេងគាត់ហើយ បើពេលខ្ញុំទំនេរ ម៉ាក់គាត់រវល់ខ្ញុំតែងតែជូនគាត់ទៅសម្ដែង ក្នុងកម្មវិធីផ្សេងៗមិនថានៅតាមខេត្ត ឬនៅទីក្រុងភ្នំពេញទេបង"។

គួរបញ្ជាក់ថា នាយ ព្រែក មានបងប្អូន ៤ នាក់ នាយជាកូនទី៤ក្នុងគ្រួសារ ក្នុងចំណោមបងប្អូនទាំង៤នាក់បានចូលរោងការ២នាក់ហើយនៅសល់តែលោក និងបងប្រុសម្នាក់ទៀតប៉ុណ្ណោះដែលមិនទាន់បានរៀបការ៕

អត្ថបទ៖ ឆុង ស៊ីណាន