កូនប្រុសនាយ ហុងដា ប្រឈមនឹងជាប់ទោសអស់មួយជីវិត

2017-05-16 03:59:26
ជីវិតតារា

2017-05-16 03:59:26
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីរសៀលថ្ងៃនេះ ជនសង្ស័យ អឿន សុខខេន និងគូកនត្រូវបានចូលខ្លួនសាកសួរនៅសាលាដំបូង ដែលលទ្ធផល គឺអ្នកទាំងពីរត្រូវបានសម្រេចឃុំខ្លួនជាបណ្ដោះអាសន្ន ក្រោមបទចោទប្រកាន់ "ឃាតកម្មគិតទុកជាមុន" ដែលប្រឈមនឹងជាប់ពន្ធនាគារអស់មួយជីវិត។

ចៅក្រមស៊ើបសួរសាលាដំបូងរាជធានីភ្នំពេញ លោក លាង សំណាត់ បានចេញដីកាសម្រេចឃុំខ្លួនជាបណ្តោះអាសន្ន នៅពន្ធនាគារព្រៃ ស ក្រោមបទចោទប្រកាន់ "ឃាតកម្មគិតទុកជាមុន" តាមមាត្រា២០០ នៃក្រមព្រហ្មទណ្ឌ។ រីឯសង្សារត្រូវបានចោទប្រកាន់ពីបទ "សមគំនិតក្នុងអំពើឃាតកម្មគិតទុកជាមុន" តាមមាត្រា ២៩ និង មាត្រា ២០០ នៃក្រមព្រហ្មទណ្ឌ» ដែលបទល្មើសនេះ កំណត់ការផ្តន្ទាទោសដាក់ពន្ធនាគារអស់មួយជីវិត ។