- 2017-06-01 16:14:00
- ជីវិតតារា
១ឆ្នាំ ៣៦៥ថ្ងៃ មានថ្ងៃ១ដែល គូម៉ា ខ្លាចបំផុត!
- 2017-06-01 16:14:00
- ចំនួនមតិ 0 | ចំនួនចែករំលែក 0
១ឆ្នាំ ៣៦៥ថ្ងៃ មានថ្ងៃ១ដែល គូម៉ា ខ្លាចបំផុត!
ចន្លោះមិនឃើញ
មនុស្សម្នាក់ៗតែងតែមានអតីតកាលរីករាយ និងស្រមោលនៃភាពឈឺចាប់រៀងៗខ្លួន។ ដូច្នោះហើយ គូម៉ា បានប្រាប់ថា ថ្ងៃដែលលោកក្រៀមក្រំ ឈឺចាប់ ហើយចាំមិនភ្លេចនោះ គឺជាថ្ងៃ ១៤ កុម្ភៈ ដែលយុវវ័យដទៃគេសប្បាយក្អាកក្អាយទៅវិញ ។
គូម៉ា រៀបរាប់មកកាន់ Sabay ថា ថ្ងៃ១៤ កុម្ភៈ វាជាថ្ងៃបុណ្យនៃក្ដីស្រឡាញ់ ប៉ុន្តែ វាក៏ជាថ្ងៃដែលសោកសង្រេងបំផុតចំពោះលោក និងគ្រួសារក្នុងមួយជីវិតនេះ ព្រោះវាជាថ្ងៃដែលពិភពលោកបានឆក់យកជីវិតអ្នកមានគុណរបស់ខ្លួនទៅគ្មានថ្ងៃវិលត្រឡប់មកវិញឡើយ។
“បាទបង បើគិតមកដល់ពេលនេះ លោកប៉ាខ្ញុំគាត់បាន ស្លាប់បាត់បង់ជីវិត រយៈពេល ៨ ឆ្នាំ។ ហើយគាត់បានទៅចោលខ្ញុំគ្មានថ្ងៃវិលវិញចំថ្ងៃ ១៤ កុម្ភៈ នេះតែម្ដង ដោយជំងឺសួត និងបេះដូង។ ជារៀងរាល់ឆ្នាំ ឲ្យតែដល់ថ្ងៃនេះខ្ញុំតែងតែនឹកឃើញការស្លាប់របស់ប៉ាខ្ញុំជានិច្ច មិនអាចបំភ្លេចបានឡើយ"។ គូម៉ា បន្ថែម។
ម្ចាស់បទ "មនោសញ្ចេតនាក្បត់" បញ្ជាក់ថា ឪពុករបស់ខ្លួនបានទទួលអនិច្ចកម្មកាលពីថ្ងៃទី ១៤ ខែ កុម្ភៈ ឆ្នាំ ២០០៩ បន្ទាប់ពីរូបលោកប្រឡងជាតារាចម្រៀងក្នុងកម្មវិធី ពានតារារបស់ទូរទស្សន៍ CTN ក្នុងឆ្នាំ២០០៨ បាន១ឆ្នាំ។ ការប្រឡងនោះ គឺជាការជំរុញ និងជួយជ្រោមជ្រែងពីអ្នកមានគុណរបស់លោករូបនោះ អីចឹងហើយ ទើបឲ្យតែដល់ថ្ងៃនោះ លោកនឹកឪពុករបស់លោកខ្លាំងណាស់៕
