តារាចម្រៀងតែងយកលំនាំស្លៀកពាក់តាម CL តារាល្បីរបស់កូរ៉េ កញ្ញា ទេព បូព្រឹក្ស បាន​​និយាយថា ពេលនេះ​កញ្ញាចាត់ទុក G-Devith ត្រឹមដៃគូដ៏ល្អម្នាក់ប៉ុណ្ណោះ ដោយ​គ្មាន​ស្នេហា​ដូចការ​លើកឡើង​របស់​ទស្សនិកជន​នោះ​ទេ​។​

កញ្ញា បន្តថា អ្វីដែលទស្សនិកជន និង​បណ្ដាញ​សាព័ត៌មាន​មួយចំនួនបានលើកឡើង គឺ​គ្រាន់​​ជាការយល់ច្រឡំប៉ុណ្ណោះ។ កញ្ញាបញ្ជាក់យ៉ាងច្បាស់ថា ទំនាក់ទំនងរវាង​នាង​នឹង​លោក G-Devith គ្មាន​អ្វី​លើសពី​មិត្តរួម​ការងារ​ឡើយ​​។

ទោះបីជាយ៉ាងណាក៏ដោយ ទេព បូព្រឹក្ស ទទួលស្គាល់ថា ការចាប់ដៃគូជាមួយម្ចាស់បទ "រាំញីកែងជើង" មួយ​រយៈ​នេះ គឺពិតជាទទួលបាន​ការគាំទ្រច្រើន ហើយក្នុង​ពេល​ដ៏ខ្លីខាង​មុខ កញ្ញា ត្រៀមចេញបទចម្រៀងថ្មីរួមគ្នា​ជាច្រើនទៀត ដើម្បី​បម្រើ​អារម្មណ៍ទស្សនិកជន​។

ថ្វើ​បើយ៉ាងនេះ​ក្ដីម្ចាស់បទ "Twerk" ក៏​បានបង្ហើប​ឱ្យ​ដឹង​ថា ការចាប់ដៃគូជាមួយ G-Devith ក៏មានការលំបាកខ្លះៗដែរ ប៉ុន្តែដោយមាន​ការ​សហការគ្នាបានល្អ ទើប​ធ្វើ​ឱ្យ​ការងារ​​របស់​អ្នកទាំងពីរ​មាន​ភាព​រលូន​។

ទេព បូព្រឹក្ស ត្រូវទស្សនិកជនចាត់ទុកជាតារាចម្រៀង ពូកែ​ខាង​ក្បាច់រាំ​ម្នាក់​ប្រចាំ​ផលិតកម្មរស្មីហង្សមាស ហើយ​ការចាប់ដៃគូម្រៀងជាមួយ G-Devith បាន​ធ្វើឱ្យប្រជាប្រិយភាព​របស់​នាង​កាន់តែមានទីផ្សារ​ខ្ពស់​នា​ពេលបច្ចុប្បន្ន៕

ចុចអាន៖ ទេព បូព្រឹក្ស ធានា​ក្បាច់​រាំ​មិន​​​ចម្លង​​​ពី​គេ

ចុចអាន៖ នាំ​ប្រិយមិត្ត ទៅ​កាន់​អតីតកាលរបស់ ទេព បូព្រឹក្ស​ និង​ប្អូន​ប្រុស​ ថា​មាន​អី​ប្លែក​ខ្លះ?

ចុចអាន៖ G-Devith ត្រៀម​អង្រួន​១​បទ​​ទៀត​ជាមួយ​ ទេព បូព្រឹក្ស(វីដេអូ)