- 2017-08-17 17:10:00
- ជីវិតតារា
Britney Spears ផ្លាស់ប្ដូរគម្រោងមរតកវាល់លានដុល្លារដល់កូនប្រុសទាំងពីរ
- 2017-08-17 17:10:00
- ចំនួនមតិ 0 | ចំនួនចែករំលែក 0
Britney Spears ផ្លាស់ប្ដូរគម្រោងមរតកវាល់លានដុល្លារដល់កូនប្រុសទាំងពីរ
ចន្លោះមិនឃើញ
កំពូលតារាចម្រៀង Britney Spears ដែលមានទ្រព្យសម្បត្តិរាប់លានដុល្លារ នឹងផ្លាស់ប្ដូរគម្រោងខ្លះៗទាក់ទងនឹងកេរ្តិ៍មរតកផ្ដល់ឲ្យកូនប្រុសទាំងពីរនាក់។
ថ្មីៗនេះអ្នកតំណាងមរតកផ្ទាល់ខ្លួនរបស់ Britney បានរៀបចំឯកសារដើម្បីទាមទារផ្លាស់ប្ដូរបណ្ដាំមរតក ដែលបានរៀបចំទុកមុនពេលតារាចម្រៀងរូបនេះបង្កើតបានកូនប្រុសឈ្មោះ Sean អាយុ ១១ឆ្នាំ និង Jayden អាយុ១០ឆ្នាំ ដែលជាកូនរបស់នាង និងអតីតស្វាមីលោក Kevin Federline។
បើយោងទៅតាមអ្វីដែលបានកំណត់ទុកក្នុងបណ្ដាំមរតកចាស់ កូនប្រុសនាងទាំងពីររូបនេះនឹងទទួលបានទ្រព្យសម្បត្តិទាំងស្រុង ប្រសិនបើ Britney ស្លាប់ នៅពេលពួកគេមានអាយុគ្រប់១៨ឆ្នាំ។ អ្វីដែលជាបញ្ហានោះ គឺទ្រព្យសម្បត្តិរាប់រយលានដុល្លារ មិនអាចទុកចិត្តឲ្យក្មេងអាយុ១៨ឆ្នាំកាន់កាប់ភ្លាមៗនោះទេ។
ហេតុដូច្នេះហើយទើប Britney ចង់ឲ្យក្មេងទាំងពីរនាក់អាចទទួលបានទឹកប្រាក់ទាំងស្រុង នៅពេលពួកគេមានអាយុ៣៥ឆ្នាំវិញ។ សម្រាប់ការកំណត់ថ្មីនោះដែរពួកគេអាចទទួលបានទឹកប្រាក់ខ្លះៗ ពេលឈានចូលដល់វ័យ ១៨ឆ្នាំ និងទឹកប្រាក់ច្រើនទៀតនៅពេលពួកគេមានអាយុ ២៥ឆ្នាំ។
សព្វថ្ងៃ Britney Spears នៅតែរស់នៅជាមួយកូនប្រុសទាំងពីរនាក់នេះ និងតារាម៉ូដែលសាច់ដុំធំ Sam Ashgari។ Britney បាននិយាយថាកូនៗនាង ពិតជាមានសារៈសំខាន់ណាស់សម្រាប់នាង។ ពួកគេតែងតែធ្វើឲ្យនាងសប្បាយចិត្តពីរឿងរ៉ាវផ្សេងៗ ហើយតែងតែគាំទ្រនាងគ្រប់ពេលវេលា៕
អានអត្ថបទ៖
