មិនឲ្យចាញ់ Selena ប្រទះឃើញ The Weeknd ចេញទៅក្រៅជាមួយសង្សារចាស់

2017-11-15 19:45:41
ជីវិតតារា

2017-11-15 19:45:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីជិតពីរសប្ដាហ៍មុន ព័ត៌មានដែលទាក់ទងនឹង Selena Gomez និង The Weeknd ចែកផ្លូវគ្នាត្រូវបានប្រកាសជាសាធារណៈ។ Selena ត្រូវគេប្រទះឃើញចំណាយពេលជាមួយអតីតសង្សារ Justin Bieber យ៉ាងស្និទ្ធស្នាល។

The Weeknd មើលទៅដូចជាយកលំនាំតាម Selena និង Justin ដោយមករួបរួមជាមួយសង្សារចាស់វិញ។ កាលពីយប់មិញនេះ តារារូបនេះត្រូវគេប្រមាញ់រូបថតបាន ក្រោយពេលចាកចេញពីផ្ទះរបស់សង្សារចាស់តារាម៉ូដែល Bella Hadid នៅទីក្រុង New York ដោយបានចំណាយពេល ៣ ទៅ ៤ ម៉ោងនៅទីនោះ។ រឿងនេះបានធ្វើឲ្យគេចាប់អារម្មណ៍ជាខ្លាំង។

Bella ក៏ត្រូវគេថតរូបបាននៅថ្ងៃនោះដែរ ប៉ុន្តែក្នុងពេលមុនបន្តិច ដោយស្លៀកពាក់អាវយឺតសពីខាងក្នុង និងឈុតខោវប៊យពីខាងក្រៅ។

តារាម៉ូដែលរូបនេះបាននិយាយពីអតីតសង្សារ The Weeknd កាលពីខែកុម្ភៈ ក្រោយទំនាក់ទំនងសេ្នហារបស់ The Weeknd និង Selena ប្រកាសជាសាធារណៈ នាងថា ៖ "ខ្ញុំនៅតែគោរពគាត់ ហើយនៅតែស្រលាញ់គាត់។ ពេលខ្លះអ្នកមានអារម្មណ៍ពិបាកចិត្តចំពោះរឿងនេះ ឬដោះស្រាយបញ្ហានេះតាមវិធីផ្សេង ក៏ប៉ុន្តែចុងបញ្ចប់ អ្នកនឹងមិនចង់បំផ្លាញស្ពានដែលខិតខំសាងសង់ទាំងលំបាកនោះទេ"។ ពួកគេបានឈប់ Follow គ្នាទៅវិញទៅមកលើបណ្ដាញសង្គម Instagram ក៏ប៉ុន្ដែកាលពីដើមខែឧសភា Bella បានចុច Like រូបភាពមួយរបស់ The Weeknd ក្រោយមកក៏ Unlike ទៅវិញ៕

អានអត្ថបទ៖

ប្រភព៖ Elle ប្រែសម្រួល៖ ធារ៉ូ