រឿងភាគថ្មី យូ ឌីស្កូ ថតបានពាក់កណ្ដាលធ្លាក់ខ្លួនឈឺ ត្រៀមដាក់បញ្ចាំងតាមទូរទស្សន៍

2017-12-22 23:54:37
ព័ត៌មាន

2017-12-22 23:54:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរទស្សន៍ប៉ុស្តិ៍លេខ ៥ បានធ្វើពិធីជប់លៀងមួយក្នុងឱកាសអបអរសាទរការបញ្ចប់ការថតភាពយន្តភាគចំនួន ២ រឿង មានរឿង "នេះឬជីវិត" និង "ទណ្ឌកម្មស្នេហ៍" ដែលត្រៀមដាក់បញ្ចាំងនៅលើកញ្ចក់ទូរទស្សន៍នៅដើមឆ្នាំ ២០១៨។ ក្នុងនោះមានរឿងមួយដែលមានការចូលរួមសម្តែងដោយលោកយូ ឌីស្កូ ដែលកំពុងត្រាំត្រែងជាមួយជម្ងឺ។

យូ ឌីស្កូ បានប្រាប់ Sabay ថា រឿងភាគទាំង ២ នេះ មានរឿងមួយលោកបានចូលរួមសម្ដែងគឺរឿង "ទណ្ឌកម្មស្នេហ៍"។

ជាមួយទឹកមុខស្លេកស្លាំងមិនសូវមានកម្លាំងកំហែង យូ ឌីស្កូ បានរៀបរាប់ថា រឿងទណ្ឌកម្មស្នេហ៍ លោកថតបានតែពាក់កណ្តាលប៉ុណ្ណោះ ក៏ធ្លាក់ខ្លួនឈឺជាទម្ងន់។ យ៉ាងណា លោកនៅតែរំពឹងថានឹងមានការគាំទ្រ នៅពេលដាក់បញ្ចាំងតាមទូរទស្សន៍។

លោកបញ្ជាក់យ៉ាងដូច្នេះថា៖ "ទស្សនិកជនប្រាកដជាចង់ដឹងថាក្រោយខ្ញុំក្រោកពីឈឺ និងមុនពេលឈឺសម្ដែងខុសគ្នាយ៉ាងម៉េច"។

លោកបានបន្ថែមថា នៅពេលនេះសុខភាពរបស់លោកបានប្រសើរជាងមុនហើយ។ តែអ្វីជារឿងព្រួយបារម្ភនោះ លោកត្រូវលាងឈាមជាប្រចាំ មួយអាទិត្យ ២ដង មុននឹងមានថវិកាគ្រប់គ្រាន់ក្នុងការផ្លាស់ប្ដូរយកក្រលៀនថ្មី។