កាល​ពី​សប្ដាហ៍​មុន គឺ​ជា​ខួប​គម្រប់ ១០ ឆ្នាំ គិត​ចាប់​ពី​តារា​ចម្រៀង Lady Gaga ទទួល​បាន​ភាព​ល្បីល្បាញ​​ខ្លាំង​លើ​វិស័យ​ចម្រៀង។

ជាមួយ​គ្នា​នេះ​ដែរ កាល​ពី​ថ្ងៃ​​អង្គារ​មុន​នេះ តារា​ចម្រៀង​ស្រី​រូប​នេះ បាន​បង្ហោះ​រូប​ស្រាត​របស់​នាង​ប៉ុន្មាន​សន្លឹក​លើ​បណ្ដាញ​សង្គម Instagram ដែល​ធ្វើ​ឲ្យ​អ្នក​គាំទ្រ​មាន​ការ​ងឿង​ឆ្ងល់ និង​ភ្ញាក់ផ្អើល​ជា​ខ្លាំង។ ក្នុង​រូប​ប៉ុន្មាន​សន្លឹក​នោះ​ដែរ Lady Gaga មិន​បាន​សរសេរ​បក​ស្រាយ​អ្វី​នោះ​ទេ ក្រៅ​ពី​បញ្ជាក់​តែឈ្មោះ​ជាង​ថត​រូប​ដ៏​ល្បី Eli Russell Linnetz ដែល​ជា​ជាង​ថត​រូប​សំណព្វ​ចិត្ត​របស់​តារា​ទូរទស្សន៍ Kim Kardashain និង Kanye West ផង​ដែរ។

រូបភាព​ប៉ុន្មាន​សន្លឹក​ដែល​បាន​បង្ហោះ​នោះ​ដែរ បង្ហាញ​ឲ្យ​ឃើញ​ពី​រូបរាង​ននល​គោក​របស់​តារា​ចម្រៀង​រូប​នេះ ដោយ​នាង​គ្រាន់​តែ​យក​ស្រោម​បា​ពាក់​ពី​ជើង​មក​ត្រឹម​ចង្កេះ​នាង​តែ​ប៉ុណ្ណោះ៕ ​​