- 2018-09-07 03:30:17
- ចម្រៀង
ក្រោយស្ទាក់ស្ទើរចូលផលិតកម្ម ប៊ុត សីហា ផលិតចម្រៀងដាក់ Youtube វិញ
- 2018-09-07 03:30:17
- ចំនួនមតិ 0 | ចំនួនចែករំលែក 0
ក្រោយស្ទាក់ស្ទើរចូលផលិតកម្ម ប៊ុត សីហា ផលិតចម្រៀងដាក់ Youtube វិញ
ចន្លោះមិនឃើញ
អតីតម្ចាស់ពានរង្វាន់ The Voice Cambodia រដូវកាលទី១ បានងាកមកផលិតបទចម្រៀង ដោយបញ្ចូលទៅក្នុង Youtube តែម្ដង បន្ទាប់ពីលេចឮថា មានផលិតកម្មធំ២ ចង់បានរូបលោកទៅច្រៀង តែ លោក សីហា នៅស្ទាក់ស្ទើរនៅឡើយ។
បើតាម លោក សុខលីម រក្សា ត្រូវជាបងធម៌របស់តារាចម្រៀងរូបនេះ ប្រាប់ថា បទចម្រៀងទីមួយរបស់តារារូបនេះ មានចំណងជើងថា "គ្មានអ្នកណា កែចិត្តបងទេ" បានដាក់ចូលក្នុង Channel Youtube មានឈ្មោះថា មរតកមេឌៀ ដែលក្រុមរបស់លោកទើបបានបង្កើតកាលពីខែមុន។ មកទល់ពេលនេះ លោក ប៊ុត សីហា មានបទចម្រៀងក្នុងដៃប្រមាណ២០បទរួចហើយ ដោយមួយអាទិត្យ ត្រៀមដាក់ក្នុង Channel បទថ្មី ម្ដង។ បទចម្រៀងខ្លះ ជា Original Song ខ្លះទៀត Cover ហើយលោក ប៊ុត សីហា ក៏ត្រៀមស្វែងរកដៃគូចម្រៀងស្រី ដើម្បីឆ្លើយឆ្លងបទថ្មីរបស់ខ្លួនផងដែរ។
ចំពោះមូលហេតុ ដែលអតីតតារាចម្រៀងនៅហង្សមាស មិនទាន់ចង់ច្រៀងឲ្យផលិតកម្ម ទោះមានគេមកទាក់ទងយ៉ាងណាក្តី ត្រូវបានបងធម៌ដដែលអះអាងថា ព្រោះកាលៈទេសៈនេះ លោកសម្លឹងឃើញថា មិនទាន់ល្អ និងចង់ពិភាក្សាកុងត្រាឲ្យច្បាស់លាស់ជាងនេះសិន។ ចំពោះការចូលច្រៀងនៅផលិតកម្ម លោក ប៊ុត សីហា នៅតែចិញ្ចឹមចិត្តដដែល ប៉ុន្តែលោកគ្រាន់ចង់គិតគូឲ្យច្បាស់លាស់សិន។
តោះ មកស្ដាប់បទចម្រៀងថ្មី របស់លោក ប៊ុត សីហា ទាំងអស់គ្នា៖
