- 2020-02-03 20:00:00
- ព័ត៌មាន
ទើបដឹង បញ្ញា សិទ្ធ កូនកាត់ឡាវ ហើយថែមទាំងកាត់ជនជាតិអំបូរមួយទៀតដែលសំបូរនៅប៉ៃលិន
- 2020-02-03 20:00:00
- ចំនួនមតិ 0 | ចំនួនចែករំលែក 0
ទើបដឹង បញ្ញា សិទ្ធ កូនកាត់ឡាវ ហើយថែមទាំងកាត់ជនជាតិអំបូរមួយទៀតដែលសំបូរនៅប៉ៃលិន
ចន្លោះមិនឃើញ
ថ្មីៗនេះ ទើបធ្លាយថា លោក បញ្ញា សិទ្ធ ដែលបច្ចុប្បន្នជាតារាចម្រៀង និងសម្ដែងនោះមានប្រវត្តិជាកូនកាត់ឡាវ និងថែមកាត់ជនជាតិដើមមួយទៀតដែលសំបូរបំផុតនាទឹកដីត្បូងពេជ្រ គឺខេត្តប៉ៃលិនរបស់យើង។
នេះសំដៅដល់ជនជាតិ "កូឡា" ជាជនជាតិដែលបានបន្សល់កេរ្តិ៍ដំណែលមួយចំនួននៅលើទឹកដីខេត្តប៉ៃលិន ហើយបើតាមប្រភពមួយបានបង្ហើបឲ្យដឹងថា តារាប្រុសសាច់សខ្ចីដូចនារីក្រមុំ បញ្ញា សិទ្ធ គឺជាសែស្រឡាយជនជាតិដែលមកទល់បច្ចុប្បន្នបានបាត់វត្តមានពីលើទឹកដីប្រទេសកម្ពុជាយើងទៅហើយ។
ជុំវិញបញ្ហានេះ សាមីខ្លួនបាន ប្រាប់ថា ការពិតគឺលោកមានជាប់សែស្រឡាយជនជាតិ កូឡា នេះពិតមែន គឺកាត់តាមរយៈខ្សែរបស់លោកយាយលោក។ បញ្ញា សិទ្ធ ថ្លែងថា "បាទបង ខ្ញុំជាកូនកាត់ឡាវ ហើយក៏កាត់កូឡាដែរ...យីហើយម៉េចបងឯងដឹង ខ្ញុំមិនដែលនិយាយរឿងនេះឲ្យនរណាដឹងផង"។
តារាប្រុសបានបញ្ជាក់ទៀតថា អ្នកមានគុណរបស់លោកទាំងពីរ គឺម្ដាយជាជនជាតិខ្មែរ ដោយលោកឪពុក គឺជាជនជាតិឡាវ។ ដូច្នេះហើយ លោកគឺជាកូនកាត់ខ្មែរ-ឡាវ ហើយលោកឧស្សាហ៍ឡើងចុះទៅលេងប្រទេសកំណើតរបស់លោកឪពុកផងដែរ ក្នុងនោះ លោកអាចនិយាយភាសាឡាវបានតិចតួចដែរ។
បើទោះមានជាប់សែស្រឡាយ "កូឡា" ប៉ុន្តែ បញ្ញា សិទ្ធ បញ្ជាក់ថា លោកមិនសូវបានដឹងពីប្រវត្តិស៊ីជម្រៅអំពីដើមកំណើតដូនតារបស់លោកនោះទេ។ ប៉ុន្តែលោកគ្រាន់តែដឹងថា ពីដើមឡើយ "កូឡា" មានច្រើនលើសលប់នៅខេត្តជាយដែនប្រទេសមួយនេះ។
ប្រវត្តិទាក់ទងនឹងជនជាតិ "កូឡា" តាមគេហទំព័រ វិគីជាភាសាខ្មែរបានឲ្យដឹងថា "កូឡា" គឺជាជនជាតិដែលរស់នៅភាគខាងកើតខេត្តប៉ៃលិន ក្នុងនោះកេរ្តិ៍ដំណែលសំខាន់របស់ជនជាតិនេះលើទឹកដីរបស់ខ្មែរ គឺ អង្គចូឡាមណីចេតិយដ៏ធំ ឬហៅថាចេតិយភ្នំយ៉ាត។
ចេតិយនេះ បើតាមការចុះផ្សាយកាលពីឆ្នាំ ២០១៤ ដោយ Everyday.com គឺមានបាតប្រវែង១៦ម៉ែត្រគុណនឹងកម្ពស់២៧ម៉ែត្រ កសាងនៅក្នុងសតវត្សទី ១៩ ដើម្បីដាក់ព្រះសារីរិកធាតុរបស់ព្រះសមណគោតម ។
អត្តសញ្ញាណរបស់ជនជាតិនេះ គឺគេសម្គាល់តាមរយៈ "តាំងយូរ" (មានរូបរាង និងតួនាទីដូចឆត្រ) ដែលមាននៅ សង្កាត់បយ៉ាខា មានភូមិ បយ៉ាខា បតាំងស៊ូ បហ៊ុយ បហ៊ុយជើង បហ៊ុយត្បូង។ នៅឯសង្កាត់ប៉ៃលិន វិញ មានភូមិបរឌិននៀវ អូរតាពុកលើ អូរតាពុកក្រោម ប៉ាហ៊ីជើង និងប៉ាហ៊ីត្បូង ព្រមទាំង អូរតាប្រាង៕
