- 2021-01-29 00:50:36
- ព័ត៌មាន
បន្សាបពាក្យរិះគន់ សូដា នីតា បង្ហាញមុខកូនក្នុងផ្ទៃជាមួយគ្រែគេងដ៏ប្រណីត
- 2021-01-29 00:50:36
- ចំនួនមតិ 0 | ចំនួនចែករំលែក 0
បន្សាបពាក្យរិះគន់ សូដា នីតា បង្ហាញមុខកូនក្នុងផ្ទៃជាមួយគ្រែគេងដ៏ប្រណីត
ចន្លោះមិនឃើញ
ក្រោយពីរងនូវការរិះគន់ពីទំនាក់ទំនងស្នេហា និងការមានផ្ទៃពោះមុនចូលរោងការផ្ទួនៗនៅចុងឆ្នាំ២០២០ និងដើមឆ្នាំ២០២១ នេះ តារាសម្ដែងស្រី សូដា នីតា បានបង្ហាញមុខកូនក្នុងផ្ទៃ តាមរយៈហ្វីលដែលអេកូដោយគ្រូពេទ្យជំនាញទៅកាន់មហាជន នៅថ្ងៃទី២៩ ខែមករា។
តារាសម្ដែង និងបង្ហាញម៉ូតរូបនេះ បានបង្ហោះរូបថតពីរសន្លឹកដោយមានភ្ជាប់នូវសារមួយថា"ហ៊ឺ...ពិបាកចិត្តណាស់! ម៉ាក់ៗ & ប៉ាៗ ត្រៀមទិញគ្រែឲ្យកូនប្រេនៗទៀត"។ ប៉ុន្តែនាងមិនបញ្ជាក់ថា កូនក្នុងផ្ទៃដែលបានបង្ហាញនេះមានអាយុប៉ុន្មាន ហើយមានសុខភាពល្អ ឬយ៉ាងណានោះទេ? ទើបនាងពោលពាក្យថា ពិបាកចិត្តនៅដើមប្រយោគដូច្នេះ។
យោងតាមព័ត៌មានមួយបញ្ជាក់ថា តារាសម្ដែង សូដា នីតា បានភ្ជាប់ពាក្យជាមួយនឹងលោក ស៊ិន សូរិយ៉ា ហៅយុទ្ធ ឋានៈ ដែលជាតារាសម្ដែង និងជាមន្ត្រីយោធាម្នាក់ កាលពីដើមខែតុលា ឆ្នាំ២០២០។ ត្បិតថា សូដា នីតា បានភ្ជាប់ពាក្យទៅហើយក្ដីក៏នៅមានពាក្យរិះគន់ខ្លះៗទៅលើទំនាក់ទំនងស្នេហារបស់នាងរហូតដល់មានកូនមុនពេលចូលរោងការជាផ្លូវការនេះ។
សូដា នីតា ដែលពេលនេះមានវ័យជ្រេបន្តិចទៅហើយ ធ្លាប់ចេញមុខប្រតិកម្មខ្លាំងៗចំពោះអ្នកសារព័ត៌មាន និងចិត្តភក្ដិមួយចំនួនដែលនិយាយរិះគន់ជុំវិញទំនាក់ទំនងស្នេហារបស់នាង ជាមួយតារាសម្ដែងយុទ្ធ ឋានៈ។ ប៉ុន្តែមកដល់ពេលនេះ នីតា លែងខ្មាសអៀន ហើយប្រកាសលែងឈឺក្បាលជាមួយនឹងពាក្យរិះគន់ទាំងនេះ ហើយនាងថែមទាំងបង្ហាញភាពស្និទ្ធស្នាលជាមួយសង្សារ រហូតដល់ថ្ងៃនេះ នាងបង្ហាញមុខកូនក្នុងផ្ទៃ និងគ្រែគេងសម្រាប់ទារកដ៏ប្រណីតទៀតផង៕
