ក្នុងភាគ​ថ្មីរបស់​កម្មវិធី «The Next Top Bang» កម្មវិធី​ប្រកួតចម្រៀងដែល​ស្រដៀង​នឹង Idol Producer និង Produce 101 China ដែរនោះ បាន​បង្ហាញ​ភាព​អស្ចារ្យរបស់​បេក្ខជន បេក្ខនារីជា​បន្តបន្ទាប់ ដែល​ជា​អ្នក​កំពុងទទួល​ការហ្វឹកហាត់ពីគ្រូបង្វឹកជាតារាៗ។

កម្មវិធីនេះ​មាន​គ្រូបង្វឹក​ច្រើន​ ដោយក្នុង​នោះ​ Kris, Victoria (f(x)) និង Bibi Zhou Bichang គឺ​ជាគ្រូបង្វឹកសម្រាប់ក្រុមនារីៗ ស្របពេល​ក្រុមបុរសៗមាន​ William Chan, Hu Haiquan និង G.E.M ជា​គ្រូបង្វឹក។

ចូល​ដល់វគ្គ​បញ្ចេញ​សមត្ថភាព បេក្ខនារី​ម្នាក់បាន​សម្រេច​លើកយក​បទ​ដែល​នាង​គិត​ងថា​ នាង​អាច​ធ្វើបាន​ល្អមក​បង្ហាញ។ ពេល​នោះ​នាង​ជ្រើសយក​បទ «Overdose» របស់ EXO មក​សម្ដែងនៅពីមុខ Kris​។ (បទ​នេះជា​បទ​ចុង​ក្រោយ​ដែល Kris រួម​ធ្វើ និង​បាន​សម្ដែង​ផ្លូវការជុំគ្នាជាមួយ​នឹង​សមាជិក​ EXO ទាំង ១២នាក់ មុនលោកលាចេញ​ពីក្រុម)។

គ្រាន់​តែ​ឮ និង​ដឹង​ថា​បទ​នោះ​ជា​បទ «Overdose» Kris ភ្ញាក់ដែរដំបូង និង​ព្យាយាម​សម្លឹង​មើលបេក្ខនារី​ចំ មិនហ៊ាន​បញ្ចេញ​ប្រតិកម្ម​អ្វីខ្លាំង​ទេ។​ ប៉ុន្តែ​ទឹកមុខភ្លាម​ៗពេល​បង្ហា​ញមក​ភ្លាមៗនោះ អាច​ឲ្យគ្រប់គ្នា​ដឹង​បាត់ទៅហើយពីអារម្មណ៍ Kris​។ ឯ Victoria​ វិញគ្រាន់តែ​ឮភ្លាម សើចយ៉ាង​ស្រស់តម្រង់ទៅ Kris ភ្លាម​ដែរ។ ស្របពេល​ជាមួយគ្នានោះ មហាជន​ក៏នាំគ្នាសរសើរនឹង​ភាពក្លាហានរបស់ បេក្ខនារីម្នាក់នេះដែរ ដែល​ហ៊ាន​យក​បទនេះ​មក​ច្រៀង ចំពោះមុខអតីតសមាជិក EXO​៕

ទស្សនាវីដេអូដូចខាងក្រោម៖