បន្ទាប់ពី​ចាកចេញទៅប្រកួតកម្មវិធី Miss Universe 2021 នៅក្នុង​ប្រទេស​អ៊ីស្រាអែល ពេល​នេះ ងិន ម៉ារ៉ាឌី Miss Universe Cambodia បាន​វិល​មកដល់ប្រទេស​កម្ពុជាវិញហើយនៅល្ងាចថ្ងៃទី១៦ ខែធ្នូ ឆ្នាំ២០២១។ ចំណែកអ្នកដែល​បាន​ទៅទទួល​ដំណើរវិលត្រឡប់របស់នាង មាន​ក្រុមគ្រួសារ អ្នកគាំទ្រ ក៏ដូចជាក្រុមការងារ​ជា​ច្រើននាក់។

ងិន ម៉ារ៉ាឌី បាន​ធ្វើដំណើរទៅកាន់​ប្រទេសអ៊ីស្រាអែល ដើម្បី​បំពេញ​តួនាទី​ជាបវរកញ្ញាតំណាង​កម្ពុជា ក្នុងការ​ឡើង​ទៅ​ប្រកួតក្នុងកម្មវិធីបវរកញ្ញាចក្រវាលឆ្នាំ ២០២១។ ត្បិត​មិនបាន​ជាប់ចំណាត់ថ្នាក់កំពូលៗ ប៉ុន្តែ​ម៉ារ៉ាឌីពិតជា​ធ្វើបានល្អ ក្លាហាន និង​ប្រឹង​អស់ពីសមត្ថភាព ហើយនាង​ពិតជា​ស័ក្តិសម​ក្នុងការ​ទទួល​បាន​ក្ដី​ស្រឡាញ់ជា​ច្រើន​ពីសំណាក់ជនរួមជាតិកម្ពុជា។

វិលមកវិញ​ពេល​នេះ ងិន ម៉ារ៉ាឌី កាន់តែ​ទទួល​បាន​ការកោតសរសើរមិនធម្មតា ហើយឈានដល់ដំណាក់កាលនេះ កេរ្តិ៍ឈ្មោះ​របស់​នាងមិនអន់ដែរ។

យ៉ាងណាមិញជយលាភីប្រចាំកម្មវិធី Miss Universe 2021 បាន​ទៅលើបវរកញ្ញាឥណ្ឌា Harnaah Sandhu ស្របពេល​បវរកញ្ញាលំដាប់រងទី ១បាន​ទៅលើ បវរកញ្ញាប៉ារ៉ាហ្គាយ Nadia Ferreira និងបវរកញ្ញាលំដាប់រងទី ២ គឺបវរកញ្ញអាហ្វ្រិកខាងត្បូង Lalela Mswane៕​

ទស្សនាវីដេអូនៃដំណើរមកដល់របស់ ម៉ារ៉ាឌី ចេញពីទំព័រហ្វេសប៊ុក Miss Universe Cambodia៖