គិតចាប់ពីថ្ងៃចាក់បញ្ចាំង​ដំបូង រឿង «Snowdrop» ជួបរឿងជា​ច្រើន ប៉ុន្តែវា​នៅតែទទួល​បាន​ភាពជោគជ័យដដែល។ អ្វីដែល​គ្រប់គ្នា​មិនអាច​បំភ្លេចបាននោះគឺ ភាពស៊ីសង្វាក់គ្នារបស់ Jung Hae In និង Jisoo (BLACKPINK)។

អ្នកដែលតាមដានរឿង ពិតជា​ពេញចិត្ត ហើយលង់ស្នេហ៍គូ Soo Ho (Jung Hae In) និង Young Ro (Jisoo) ខ្លាំង​បំផុត។ ដំណើររឿងបាន​នាំពួកគេ​ស្រឡាញ់គ្នា និងឆ្លងកាត់ឧបសគ្គច្រើនរាប់មិនអស់ជាមួយគ្នា ហើយក្ដីសង្ឃឹមចុងក្រោយរបស់អ្នកទស្សនាគឺ ចង់ឃើញតួទាំង ២ បាន​ជួបគ្នានៅចុងបញ្ចប់នៃសាច់រឿង។ ប៉ុន្តែវា​គ្រាន់ជាការចង់ស្រមៃ ព្រោះភាគបញ្ចប់ តួទាំង ២ត្រូវព្រាត់គ្នា ម្នាក់រស់ ម្នាក់ស្លាប់ ទៅវិញ។

មិនថា​តែ អ្នកគាំទ្រទេ ដែលឈឺចិត្ត ក្នុងនោះ Lisa ដែល​ជាសមាជិករួមក្រុមក៏មិនសុខចិត្តដែរ។

នៅលើ Weverse មាន​អ្នកចង់ដឹងថា​ តើ Lisa មាន​អារម្មណ៍យ៉ាងណា ពេលមើលដល់វគ្គកម្សត់? Jisoo ក៏បាន​ឆ្លើយជំនួសថា៖ «នាងស្រែកយ៉ាងខ្លាំង ហាហាហាហា»។

ងាក​មក​ពេល​សម្ដែងរឿងវិញ Jisoo ដែលជាតួឯកបាន​និយាយទាំងស្មានមិនដល់ដូចគ្នាថា​ខ្លួនឯងអាច​សម្ដែង​ឈុតយំនេះ​បាន៖ «ខ្ញុំខ្លួនឯងពេល​មើលហើយ ខ្ញុំមិនទាំងចាំផងថា តើខ្ញុំ​អាច​យំបាន​ដោយរបៀបណាទៅ ហាហាហាហា»។

ទោះជាយ៉ាងណា នេះជា​សមិទ្ធផលថ្មីពិសេសមួយទៀតសម្រាប់ Jisoo ក្នុងការឈាន​ជើងចូលក្នុងវិស័យសម្ដែង និងទទួល​បាន​មកវិញតែការស្រឡាញ់គាំទ្រពីអ្នកគាំទ្រកាន់តែច្រើន៕