- 2022-04-07 19:36:10
- ព័ត៌មាន
ដូចយកភ្លើងដាក់ខ្លួន! តារាអាមេរិកម្នាក់ទៅរអិលមាត់ថា BTS ជាចិន ហើយស្អប់អើយស្អប់
- 2022-04-07 19:36:10
- ចំនួនមតិ 0 | ចំនួនចែករំលែក 0
ដូចយកភ្លើងដាក់ខ្លួន! តារាអាមេរិកម្នាក់ទៅរអិលមាត់ថា BTS ជាចិន ហើយស្អប់អើយស្អប់
ចន្លោះមិនឃើញ
ពេលនេះ អតីតអ្នករ៉េប និងជាបុគ្គលល្បីឈ្មោះដែរប្រចាំបណ្ដាញផ្សព្វផ្សាយអាមេរិក Joe Budden កំពុងត្រូវបានគេរិះគន់យ៉ាងចាស់ដៃ ពេលលោកលើកឡើងពី BTS ក្រោយពេលពួកគេសម្ដែងលើឆាក GRAMMY ឆ្នាំ ២០២២ប៉ុន្មានថ្ងៃមុន។
នៅថ្ងៃទី ០៦ ខែមេសា ភាគនៃ Podcast របស់ Joe Budden គឺ The Joe Budden Podcast លោកបានសង្ខេបពេលវេលាមួយចំនួនពីកម្មវិធី និងបង្ហាញពីអារម្មណ៍ពិតចំពោះ BTS ដោយនិយាយថា៖ «ខ្ញុំស្អប់ពួកគេ BTS ខ្លាំងបំផុត»។
ពិធីកររួមកម្មវិធីគឺ Ice និង Ish បាននិយាយ ដោយទទួលស្គាល់ថា ចម្រៀងរបស់ BTS សុទ្ធតែល្អៗ ប៉ុន្តែម្នាក់ៗឆ្ងល់ ថាហេតុអ្វីបានជាលោកស្អប់ BTS? Joe Budden ក៏បានតបវិញថា៖
«ខ្ញុំមិនចង់ឮអារឿងអស់ហ្នឹងទេ! ខ្ញុំមិនចង់ឃើញពួកគេរាំចាក់ក្បាច់ស្អីទេ។ ខ្ញុំមិនចង់ឃើញអ្នកឯង ធ្លាក់ពីលើមេឃហើយត្រូវមកជ្រកក្រោមឆ័ត្រតូចមួយអ៊ីចឹងទេ»។
មិនទាន់អស់ទេ Joe នៅបានទម្លាយបែបកំហឹងឆួលទៀតថា លោកមិនចង់ឃើញអ្វីគ្រប់យ៉ាងពីក្រុម BTS ឡើយ ហើយថែមទាំងថា BTS គឺជាជនជាតិចិនទៀត។
ចំណែកហេតុផល គឺមិនត្រូវបានបង្ហើបឲ្យចំៗទេ ហេតុនេះទើបពិធីកររួម Podcast របស់លោក លាន់មាត់ថា ការស្អប់អ្នកណាម្នាក់ដោតគ្មានហេតុផល វាជារឿងដែលគួរឲ្យស្អប់ខ្ពើមបំផុត។
ចំណែកអ្នកប្រើបណ្ដាញសង្គមជាច្រើន ក៏បានប្រតិកម្ម ដោយសម្ដែងការមិនពេញចិត្តចំពោះអ្វីដែល អតីតតារារ៉េបរូបនេះលើកឡើងដែរ ហើយពួកគេរិះគន់មកលើលោកយ៉ាងចាស់ដៃ៕
