នៅថ្ងៃទី២៩ ខែមេសានេះ Ellen DeGeneres បាន​បង្ហោះសារ​អមជាមួយនឹង​រូបភាព​ពីក្រោយចេញពីកម្មវិធី The Ellen Show ដោយបាន​ថ្លែងអំណរគុណ​ដល់អ្នកគាំទ្រ​ដែល​តែង​តាមដាន​កម្មវិធីរបស់ខ្លួន​រហូត​មក។

«នៅថ្ងៃនេះ​យើង​បាន​ថត​ភាគ​បញ្ចប់​នៃ​កម្មវិធី The Ellen Show ដែល​គ្រោង​នឹង​ចាក់​នៅ​ថ្ងៃទី២៦ ខែឧសភាខាងមុខនេះ​ហើយ។ នៅពេល​យើងចាប់ផ្ដើម​កម្មវិធីនេះ​ដំបូងតាំង​ពីឆ្នាំ ២០០៣ កាលនោះ Phone មិនទាន់បង្កើតផង។ បណ្ដាញសង្គម​ក៏មិនមាន។ ភេទទី៣ រៀបការជាមួយគ្នា ក៏មិនស្របច្បាប់។ យើង​បាន​មើលឃើញពិភពលោកមាន​ការផ្លាស់ប្ដូរ ពេល​ខ្លះ​ក៏មាន​ភាព​ប្រសើរជាងមុន ពេល​ខ្លះ​ក៏អត់។ ប៉ុន្តែទោះបីមាន​រឿងអ្វី​កើតឡើងក៏ដោយ គោលដៅរបស់ខ្ញុំ តែង​តែ​មានដើម្បីធ្វើឲ្យ​កម្មវិធីក្លាយជាកន្លែងដែលអ្នកអាចមកចូលរួមបាន​ទាំងអស់គ្នា បាន​សើចពេញមួយម៉ោង។ ការដែល​បាន​ចូលទៅក្នុងជីវិតរស់នៅរបស់អ្នក ពិតជារឿងដ៏អស្ចារ្យបំផុតក្នុងជីវិតខ្ញុំ និង​បាន​នាំរឿងអស្ចារ្យជា​ច្រើនមកឲ្យខ្ញុំ។ អរគុណ អរគុណ អរគុណ អរគុណ!​»

វីដេអូថតទុកជា​លើកចុងក្រោយ​នេះ​ កើតឡើង​ ក្រោយពេល​ដែល​កម្មវិធីមាន​រឿងចម្រូងចម្រាស រយៈពេលជាង ២ឆ្នាំ ស្របពេល Ellen ខ្លួនឯង ចាប់អារម្មណ៍​ថា​ខ្លួន​ប្រែជា​មាន​អាកប្បកិរិយាមិនល្អទាំងក្នុង និងក្រៅឆាក។ ទង្វើទាំងនោះ​បាន​នាំ​ឲ្យកន្លែងការងារ​ចាប់ផ្ដើម​មាន​រឿងអាស្រូវ ពេញ​ទៅដោយភាពអាប់អួរ រហូត​មាន​ផលមិនល្អ និងខាតប្រយោជន៍ជា​ច្រើន៕