ជារឿងក្រៀមក្រំ និងសោកស្ដាយខ្លាំងបំផុតក្នុងរង្វង់សិល្បៈថៃ ដោយនៅមុននេះបន្តិចសារព័ត៌មានថៃ បានចេញផ្សាយឱ្យដឹងថា តារាកំប្លែងជើងចាស់ Den Dokpradu ដែលមានប្រជាប្រិយភាពម្នាក់បានទទួលមរណៈភាពក្នុងជន្មាយុ៨០ឆ្នាំ។

មួយរយៈចុងក្រោយនេះសិល្បការិនី និងសិល្បករថៃជើងចាស់ជាច្រើនដួង បានលាចាកលោកជាបន្តបន្ទាប់ គួរឱ្យកត់សម្គាល់ ដែលធ្វើឱ្យមហាជនថៃមានការសោកស្ដាយយ៉ាងខ្លាំងចំពោះការបាត់បង់ធនធានមនុស្សពោរពេញដោយសមត្ថភាពទាំងនោះ។ ដោយនៅថ្ងៃទី១១ ខែតុលា តារាកំប្លែងម្នាក់ទៀត ឈ្មោះ Banpot Weerarat បានទទួលមរណៈភាព មានការចូលរួមរំលែកទុក្ខ និងកាន់ទុក្ខជាច្រើន។

Den Dokpradu ជាឈ្មោះក្នុងសិល្បៈ និងមានឈ្មោះពិត Banpot Weerarat ជាតារាកំប្លែង លេងកំប្លែងគួរសម មិនលេងសើច អាសអាភាស ឬយករឿងអាសអាភាសធ្វើជាសំណើចសម្រាប់មហាជនឡើយ តារាកំប្លែងរូបនេះមានសុជីវធម៌ ហើយលោកធ្លាប់ជាអតីតសិស្សនៃសាលាភ្លេង ភូមិន្ទថៃ ជាអ្នកវាយស្គរឈើម្នាក់នៃក្រុម Naval Orchestra៕