​ក្រោយទទួលបាន​ជោគ​ជ័យ​អស់​ជាច្រើន​ឆ្នាំ ផលិតកម្ម​រស្មី​ហង្ស​មាស ក៏​បាន​បង្កើត​ស្ថានីយ​ទូរ​ទស្សន៍​ថ្មី​របស់ខ្លួន​​ឈ្មោះថា ទូរទស្សន៍​ហង្ស​មាស HDTV និង ទូរ​ទស្សន៍​រស្មី​ហង្ស​មាស HDTV រហូត​ក្លាយជា​ស្ថានីយ​ទូរ​ទស្សន៍មួយដែល​​បាន​ការ​គាំ​ទ្រ​ច្រើន​ពី​ទស្សនិកជន​​​។

ទ​ន្ទឹ​ម​នឹងនេះ​ ទូរ​ទស្សន៍​​ទាំងពីរ​ក៏​បាន​នាំយក​កម្មវិធី​ល្បីៗ​លំដាប់ថ្នាក់​ពិ​ភព​លោក​មកកាន់​កម្ពុជា​ផងដែរ ដូចជា កម្មវិធី The Voice Cambodia, Cambodian Idol, Killer Karaoke និង The Voice Kids ដែល​ទើបនឹង​ចេញ​ថ្មីៗ ព្រម​ទាំង​កម្មវិធី​ធំៗ​មួយ​ចំនួន​ទៀត មក​ធ្វើ​ការផ្សាយ​ជូន​ដល់​ទស្ស​និក​ជន​កម្ពុជា ក្នុងពេល​ឆាប់ៗ​នេះ​​។​ ​

​ថ្មីៗ​នេះដែរ ទូរ​ទស្សន៍​រស្មី​ហង្ស​មាស HDTV បាន​ផ្លាស់ប្តូរ Logo (​និមិត្ត​សញ្ញា​) ថ្មី​ដែល​​ស្រស់ស្អាត​ និង​ទាក់ទាញ​ជាង​មុន​ថែម​ទៀតផង។ ដោយ​មាន​ពណ៌​ស្រស់ស្អាត​រំលេច​ចេញម​កដូច​ឥន្ទ​ធនូ ដែល​ឆ្លុះបញ្ចាំង​ពីការ​សាយភាយ​ភាពល្បីល្បាញ​របស់ខ្លួន ទាំង​វិស័យ​ភាព​យ​ន្ត​សម្បូរ​បែប និង​កម្មវិធី​សិល្បៈ​នានា ដូច​ទូរ​ទស្សន៍​ហង្ស​មាស​ដែរ ដោយ​ទស្ស​និក​ជន​អាច​មាន​ជ​ម្រើ​ស ​២ ​ក្នុង​ការ​ទស្សនា គឺ​ទូរ​ទស្សន៍​ហង្ស​មាស និង​ទូរ​ទស្សន៍​រស្មី​ហង្ស​មាស ហើយ​សុទ្ធតែ​មាន​កម្មវិធី​ពិសេសៗ​ដូចគ្នា​៕