អ៊ិន សុភិន បញ្ជាក់ពីរឿង "មន្តស្នេហ៍លេខា" លើទូរទស្សន៍ និងនៅរោងកុន មានភាពខុសគ្នា

2017-05-25 02:23:16
ភាពយន្ត

2017-05-25 02:23:16
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក អ៊ិន សុភិន អគ្គនាយកផលិតកម្មមហាហង្ស បានលើកឡើងថា ពាក់ព័ន្ធជាមួយខ្សែភាពយន្តភាគរឿង "មន្តស្នេហ៍លេខា" មិនសូវមានឈុតឆាកសិចស៊ីប៉ុន្មានឡើយនៅលើទូរទស្សន៍ តែសម្រាប់ការចាក់បញ្ចាំងនៅរោងកុន នឹងមានបញ្ចូលឈុតបែបនោះច្រើនជាង។

លោក អ៊ិន សុភិន បង្ហើបបែបនោះ ក្រោយ ម៉ៅ គឹមធីតា តួអង្គឈ្មោះ កេន្នី ក្នុងរឿង "មន្តស្នេហ៍លេខា" បានត្អូញថា នាងជួបប្រទះឈុតសិចស៊ីច្រើនបំផុត បើធៀបនឹងការសម្ដែងទាំងឡាយរបស់នាងនាពេលកន្លងមក។

“រឿង"មន្តស្នេហ៍លេខា" បញ្ចាំងនៅលើទូរទស្សន៍ និងក្នុងរោងកុន គឺខុសគ្នាតែម្ដង ប្រសិនបើនៅក្នុងរោងកុន និងនៅលើទូរទស្សន៍ដូចគ្នាគ្មានអ្នកទៅមើលទេ ពេលចាក់បញ្ចាំង។ ដូច្នេះហើយយើងមានឈុតសិចស៊ីសំខាន់ៗជាច្រើនដើម្បីបញ្ចេញនៅក្នុងរោងបាទ"។ នេះបើតាមឪពុកតួឯកស្រីក្នុងរឿង "មន្តស្នេហ៍លេខា" មានប្រសាសន៍។

អ៊ិន សុភិន បន្ថែមថា រឿង "មន្តស្នេហ៍លេខា" ដែលមានអ្នកអានជាង១លាននាក់ កាលនៅជាប្រលោមលោក បញ្ចាំងបាន១ភាគហើយកាលពីយប់មិញនេះ នៅលើកញ្ចក់ទូរទស្សន៍ PNN ។ រឿងនេះគ្រោងនឹងបញ្ចាំងនៅរោងកុនពាក់កណ្ដាលខែកក្កដា នាពេលខាងមុខក្រោយពីបញ្ចប់ការបញ្ចាំងនៅលើទូរទស្សន៍។