- 2017-09-01 20:16:46
- ព័ត៌មាន
រកឃើញជយលាភីលេខ១កញ្ញាឯកកម្ពុជា២០១៧
- 2017-09-01 20:16:46
- ចំនួនមតិ 0 | ចំនួនចែករំលែក 0
រកឃើញជយលាភីលេខ១កញ្ញាឯកកម្ពុជា២០១៧
ចន្លោះមិនឃើញ
កាលពីយប់មិញនេះការប្រកួតកញ្ញាឯកកម្ពុជា ២០១៧ (Miss Cambodia 2017 ) ដែលរៀបចំឡើងនៅ Naga World បានរកឃើញជ័យលាភីលេខ១ហើយ ក្រោយពីធ្វើការជម្រុះជាច្រើនវគ្គ។
កញ្ញាឯកកម្ពុជាលេខ១ សម្រាប់ឆ្នាំ២០១៧ នេះបានទៅលើបេក្ខនារីឈ្មោះ រឿន ណាត អាយុ ២១ ឆ្នាំ មកពីខេត្តកំពង់ចាម។ នាងជាបេក្ខនារីមួយរូបទទួលបានពានរង្វាន់៣ក្នុងការប្រកួតនេះគឺពានទី១ ជាកញ្ញាឯកដែលគ្រងឈុតជប់លៀងស្រស់ស្អាតជាងគេបំផុត ពានទី២ស្លៀកឈុតប្រពៃណីខ្មែរស្រស់ស្អាតលេចធ្លោជាងគេ និងពានទី៣ចុងក្រោយទទួលបានងាជាកញ្ញាឯកកម្ពុជាសម្រាប់ឆ្នាំ ២០១៧។
រឿន ណាត បានលើកឡើងថា នាងពិតជាមានអារម្មណ៍រំភើបយ៉ាងខ្លាំង ព្រោះមិននឹកស្មានថាខ្លួនមានឱកាសបានគ្រងមកុដកញ្ញាឯកកម្ពុជាសម្រាប់ឆ្នាំ ២០១៧ នេះ។
"ចំពោះការប្រឡងបវរកញ្ញាគឺជាក្ដីស្រមៃ១របស់ខ្ញុំតាំងពីនៅតូច។ ពេលនេះខ្ញុំបានសម្រេចក្ដីស្រមៃហើយ ដូច្នេះខ្ញុំនឹងយកអ្វីដែលខ្ញុំទទួលបាននៅថ្ងៃនេះទៅបង្ហាញលើឆាកអន្តរជាតិដើម្បីឲ្យពិភពលោកស្គាល់ពីវប្បធម៌ប្រពៃណីដ៏ផូរផង់របស់កម្ពុជា"។ កញ្ញាឯកលេខ១ ថ្លែងបញ្ជាក់។
គួរបញ្ជាក់ការប្រឡងកញ្ញាឯកកម្ពុជាសម្រាប់ឆ្នាំ ២០១៧ នេះមានការដាក់ពិន្ទុយ៉ាងសុក្រឹតពីគណៈកម្មការទើបរកឃើញម្ចាស់ជយលាភីលេខ១៕
ចុចអាន៖ស្រស់ស្អាតទាំងអស់! បេក្ខភាព «កញ្ញាឯកកម្ពុជា២០១៧» បង្ហាញមុខហើយ
