ថ្ងៃ​រៀប​អាពាហ៍​ពិពាហ៍ ដែល​ធ្វើ​ឡើង​នៅ​សណ្ឋាគារ​លំដាប់​ផ្កាយ​៥ តារា​ចម្រៀង សុគន្ធ និសា បាន​ស្លៀក​រ៉ូប​រាត្រី​សមោសរ ដៃ​ខ្លី លម្អដោយប៉ាក់ឌិនភ្លឺផ្លេក ក្នុង​ពិធី​កាត់នំ មើល​ទៅ​ពិត​ជា​ស្រស់​ស្អាត​ខ្លាំង​ណាស់។

បើ​តាម​ការ​បញ្ជាក់​របស់​ហាង​ប្រណិត​នារី កាត់ដេរ រ៉ូប​កូន​ក្រមុំ​ពណ៌​ស​ដ៏​ស្រស់ស្អាត​របស់​តារា​ស្រីរូប​នេះ ប្រើ​រយៈ​ពេល​ច្នៃ​ម៉ូដទាំង​យប់​ទាំង​ថ្ងៃ ដល់​ទៅ​៤៥​ថ្ងៃ ដោយជាងជំនាញដល់ទៅ១៥នាក់។ អ្វី​ដែល​រឹត​តែ​ពិសេស​នោះ គឺ​គ្រប់​ក្បាច់​រចនា​ផ្កាភ្ញី​ធ្វើ​ឡើង​យ៉ាង​សម្រិត​សម្រាំង ដោយ​ដៃ​ស្ទើរទាំងអស់ មិន​ថា​ការ​ប៉ាក់​ដិន ឬ​ដេរ​ឡើយ ។

ចំពោះម៉ូដរ៉ូបវិញម្ចាស់ហាងកាត់ដេរប្រាប់ថា ជាម៉ូដរ៉ូបបែបស្រទន់ មិនឆើតឆាយ ហើយក៏មិនធម្មតាពេកដែរ គឺស័ក្តិសមរូបរាង និងអត្តចរិតរបស់តារាស្រី សុគន្ធ និសា ។ ចំពោះតម្លៃ អ្នកស្រីថា ប្រហែល៣ទៅ៤ពាន់ដុល្លារឯណោះ។

ចង់ដឹងថា រ៉ូបក្រមុំមួយនេះ ច្នៃពិសេសយ៉ាងណា ទស្សនាវីដេអូខាងក្រោមនេះ៖